Shillong, K’Lyngkot 24: Ki nongdie madan hapoh ka shatri jong ka Meghalaya & Greater Shillong Progressive Hawkers & Street Vendors Association (MGSPHSVA) hynne ka sngi kila leit shong kyllain mungor ha phyllaw ka Shillong Municipal Board (SMB).
Kane ka jingwan shong kyllain mungor kala jia hadien ka jingkut noh ka jingai por ba ar sngi jong ka MGSPHSVA iaka Shillong Municipal Board ban khot iaka jingialang ba kyrkieh jong ka Provisional Town Vending Committee (PTVC).
Da ki phew ngut ki nongshong dukan madan na ki thaiñ Khyndai Lad kila tur sha Ophis ka Shillong municipal board (SMB) ban pynpaw ia ka jingpyrshah halor kane ka jingleh mynthi ia ka jingdawa ka seng.
Haba kren shaki lad pathai khubor u Secretary ka MGSPHSVA Bah Shane Thabah u la ong ba ka daw ban wan tur sha Shillong Municipal Board ka dei hadien ba kut noh ka jingbuh por ba ar sngi ban khot ia ka jingialang jong ka PTVC.
Haka 21 tarik,ka MGSPHSVA kala dawa iaka tnat SMB ba kan khot ïa ka jingialang ba kyrkieh jong ka PTVC ban iathir halor ka Notification ba thmu ban pynkynriah ia ki nongdie madan sha ki ar tylli ki jaka ba la ithuh da ka Sorkar.
U Bah Shane u la ong, ia mynta ki nongshong dukan madan kin bteng ban wan shong kyllain mungor manla ka sngi ryngkat ka rah Placard ha phyllaw ka Shillong Municipal Board katba ka Office kam pat khot ïa ka jingiakren ban pynbeit ïa ki kam hapoh ka Provisional Town Vending Town Commitee.
 hynne ka sngi kila leit shong kyllain mungor ha phyllaw ka Shillong Municipal Board (SMB).){kind=link}