Jowai, K’lyngkot 24 : Ka kynhun ialehkai ki shynrang ka Ri-Bhoi District kan hap ban iakhun ban pynneh ia ka Meghalaya Games Football Gold Medal ha ka jingiakhun phainal pyrshah ia ka West Khasi Hills mynta ka sngi Thohdieng ha Kiang Nangbah Stadium, Jowai.
Kane ka jingiakhun kan sdang ha ka por 2 baje nohphai sngi.
Ha ka jingialehkai kyrdan ba lai ban ioh ia ka takma rynong, ka West Jaintia Hills kan iakynduh pyrshah ia ka South West Khasi Hills.
Ha ka jingialehkai ki kynthei pat, ka Ri-Bhoi kan iakhun pyrshah ia ka East Khasi Hills ban ioh ia ka takma ksiar katba ka South West Khasi Hills kan iakhun pyrshah ia ka West Jaintia Hills ban wan ha ka kyrdan kaba lai.
