Nongpoh, Nohprah 15: Ka Ribhoi Youth Welfare Organizations (RBYWO) hynne ka sngi Thohdieng, kala tur sha ka Ophis jong u Deputy Commissioner bad dawa ban pynmih noh kloi ia ka result thungkam jong ka District Selection Committee (DSC).
Kane ka seng bala ialam da u General Secretary Elvis Kyrsian, kala leit tied ia ka jingkhang u Deputy Commissioner ban pan jingshai halor ka jingslem ban pynmih ia ka result thungkam ka DSC.
Hynrei la iathuh ba u Deputy Commissioner ula bthah ia kane ka seng ban leit iakynduh ia ka ADC Kong B Rani ba kin ioh jingtip ia kane ka kam.
Haba iakren bad ki nongthoh khubor, u Bah Elvis ula uathuh ba ka seng kam lah ban shu sngap ia ka jingud jingnam jong ki samla kiba la ialeh ia ka eksamin thungkam jong ka DSC, kiba shu ap mynta ia ka result ba kan mih.
Kat kum ka jingong jong u, ka jingpynbna thungkam bala pynmih da ka DSC ka dei kaba la mih naduh u snem 2020 hynrei haduh mynta, kane ka tnad kam shym la pynmih satia ia ka result.
Haba kylli, u Bah Elvis ula pyntip ba ka ADC kala kular ba kan sa shimkhia ia kane ka kam haba pynpaw ba ka Seng kala dawa ba dei ban pynmih noh kloi kat kaba lah ia ka result.
 hynne ka sngi Thohdieng, kala tur sha ka Ophis jong u Deputy Commissioner bad dawa ban pynmih noh kloi ia ka result thungkam jong ka District Selection Committee (DSC).){kind=link}