Agartala, Naiwieng 30 : Hadien ba u nongialam ka liang pyrshah uba dei ruh u Myntri Rangbahd (CM) barim u Manik Sarkar ula ai ka jingkyrshan ka jong u halor ka jingdawa ‘Tipraland’ na ka liang ka Amra Bangali kala pynlong da ka jingkhih bad thang ruh ia ki dur tyngshop jong u CM barim ha West Tripura.
Dang shen u Manik Sarkar ula kren ha ka jingialang paidbah halor ka jingai jingkyrshan halor ka jingdawa ‘Greater Tipraland’ ia kaba la pynpaw pyrshah beit beit da ka Amra Bangali.
Katei ka seng kala shim ba katei ka jingdawa ‘Greater Tipraland’ ka long ka bym shongnia bad ong ruh ba kane ka jingdawa ka lah ban wanrah ka jingiaphiah hapdeng ki paidbah nongshong shnong ka jylla.
Lah ban kdew ba ka ‘Tripalang’ ka dei ka kyrteng ba la tyrwa ban pynlong jylla ha India na ka bynta ki trai shnong ka Tripura, kata ha kito ki jaka kiba shong shnong da ki trai shnong riewlum.
Kane ka jingtyrwa ban pynioh jylla ka kdup haduh 68 percent na baroh ki jaka puta jong ka Tripura bad kaba dei ruh ka jaka shong shnong jong kumba kawei na ki lai bynta na baroh ki paid nongshong shnong ka Tripura.
