Agartala, Rymphang 28: U Myntri Rangbah ka Tripura Manik Saha, ula pynpaw ia ka jingsngewkhia halor ka jingnang jyllei kiba dih bad injek droks hapdeng ki samla pule ka Jylla.
Ka Tnad kala ithuh haduh 1100 ngut ki samlakiba injek droks bad dei ki HIV positive.
“Ka Sorkar Jylla kala rai ban buh ia phra tylli ki de-addiction centre ha ki phra tylli ki district ban ai jingsumar ia ki samla bala ngop ha u droks ba kin lait noh na une u jingdih ba sniew” ula ong.
U Myntri Rangbah ula ong ba u droks ba wan rung na Myanmar ula wan poi sha Tripura lyngba ka Mizoram bad Assam bad nangne la khaii ruh wat sha Bangladesh.
Ki bor pahara jong ngi, kila pynkhlain bha ia ka jingpeitngor ban tehlakam ia kane ka jingkhaii droks.
Ula kynnoh ba ha ki 35 snem ba synshar ka Left Party, ka jingrep ia u ganja kala roi bha hapoh ka Jylla bad kane ka Sorkar kam tip satia ka jaka rep ganja ka dei kaba heh bha.
Ula ong ba ka Sorkar jylla mynta kala rai ban iakhun thma ban pynlong ia ka Tripura kum ka Jylla ba lait na u droks.
