-->

Tripura : Pyntip u CM ba iabit jingpang HIV/AIDS haduh 150-200 ngut man u bnai ha Jylla

Date:

Share post:

Agartala, Lber 14 : U Myntri Rangbah ka Tripura Manik Saha ha ka sngi Palei ula ong ba ka jingiabit jingpang HIV/AIDS ha Tripura kala kiew bha bad pyntip ba kumba 150-200 ngut ki briew ki iabit ia kane ka jingpang manla u bnai.

U Saha ula pynpaw ia ka jingsngewkhia halor kane ka jingkiew kane ka jingpang bad ong ba baroh ka dei namar ka jingia injek drok hapdeng ki samla pule bad ki samla.

“Baroh ki club, ki sengbhalang bad ki kynhun bapher bapher ki dei ban wan shakhmat ban pynsngewthuh ia ki briew khamtam ia ki samla ba kin nym ngop ha u droks bad kiwei ki kam bymman” ula ong.

Naduh u 1970, ka Manipur ka dei ka Jylla ba hakhmat eh hapoh ka thain Shatei Lam Mihngi ba jur ka jingiainjek droks, ula ong haba iathuh ba baroh ki Jylla ka thain Shatei Lam Mihngi bad ka Ri, da ka jingbtin lynti bad jingiarap ka Sorkar Pdeng, kila pyrshang ban pynlong ia ka Jylla bad ka Ri kaba lait noh na u droks ne Nasha Mukt.

“Dang shen nga iakynduh ia u samla pule ha Belonia, South Tripura uba iathuh ba u dei u samla pule uba stad bha bad u nongialehkai ruh, hynrei ula ngop ha ka jingdih droks. Hadien san snem, ula ieh noh ia u droks bad mynta ula iakhun ban jop ia kane ka jingmlien ba sniew” ong u Saha.

U Saha ula kyntu ia baroh kynthup ki Nonghikai, ki Nongtrei ka koit ka khiah bad ki Sengbhalang ba kin wan ia ka thymmei jong ka jingiajyllei u droks bad ban iakhun ha kaban rat dyngkhong ia ka jingpang HIV/AIDS.

Share post:

-->
spot_img

Popular

More like this
Related

SPL | Beh nadien ka Lajong ban jop ia ka Mawlai SC da 4-3 kol

Shillong Risaw 01: Ka Shillong Lajong kaba la shah...

Dawa ka KSU bad FKJGP ia ka Sorkar ban shimkhia halor kai jingdawa ki nonghikai adhoc

Shillong, Risaw 01: Ki sengbhalang ba kynthup ka Khasi...

Iaroh u CM ia ka Balang Katholik ba iarap ban kyntiew ia ka pule puthi ha Jylla

Nongpoh, Risaw 01 : U Myntri Rangbah ka Jylla...