Agartala, Lber 09: Ka ïingbishar jong ka CBI ha Agartala, ka la rai pynrem ïa ki 4 ngut ki riew ba kynthup ïa u nongtohkit barim jong ka ophis jong ka Development Commissioner (Handicraft), u nonghikai PG ka Sorkar Tripura, da kaba set phatok 4-5 snem namar ka kam bamsap. Ka ïingbishar ka la dain kuna ruh kaba kot T.2.05 lak.
Kiba shah rai pynrem ki kynthup u Achyut Kumar Das ba ju khot sin u AK Das, u nongtohkit barim jong ka Development Commissioner (Handicraft), Marketing & Service Extension Centre (M&SEC), Agartala bad la rai pynrem da ka jingshah set phatok haduh san snem ha ryngkat ka kuna T.75,000, u Kamal Krishna Debnath, u nonghikai PG ba thung da ka Sorkar Jylla Tripura u la shah rai set phatok saw snem bad shah dain kunsaT. 20,000 hajar, ka Kalpana Debnath kaba dei ka President barim jong ka Women Development Society, Ranir Gaon, West Tripura daka ba shah set phatok saw snem ha ryngkat ka kuna T.55,000 bad u Sanjay Debnath ba la sin kyrteng kum u Bhola, ha katei ka por u dei u Secretary jong ka Women Development Society, Ranir Gaon, West Tripura uba la shah rai set phatok saw snem bad ka kuna T.55,000.
Ka Central Bureau of Investigation (CBI) ka la register ia katei ka mukotduma ha ka 31 tarik Naitung 2012, pyrshah ia kitei ki nongshah kynnoh, da kaba kynnoh ba ki la ia snoh kti ban pynlong da kaba thok ia ki prokram ai jinghikai ban kyntiew ia ka jingtbit ha ki kam shna jingshna da ki dieng bad ki siej hapoh ka Ambedkar Hasthilp Vikas Yojana (AHVY) Scheme 2010 hynrei kine ki prokram ki paw tang ha ka kot.
La iathuh ba ki 4 ngut ki la shna thok ïa ki kaiphod bad ki la kam thok ba ki la pynlong ïa ki jinghikai saw bnai na ka bynta ki 20 ngut ki nongshah hikai pyntbit da kaba pyndonkam bakla ïa ka pisa T.4.5 lak kaba la thmu na ka bynta ka bainong jong ki nonghikai bad ka jingsiew bai lutksan ïa ki nongshah hikai.
Hadien ka jingtohkit kaba bniah, ka CBI ka la Chargesheet ha ka 30 tarik Jylliew 2014, bad la buh ia ki jingmudui da ka iingbishar ha ka 31 tarik u Nailar 2017.
Ka ïingbishar kala bishar bad eksamin ia 48 ngut ki sakhi ha ka por ba bishar.
Hadien ba la bishar bniah ia ki sakhi, ka iingbishar ka la lap ba baroh saw ngut ki nongshah kynnoh ki donkti bad ka la pynbna ia ki jingshah pynshitom.
, u nonghikai PG ka Sorkar Tripura, da kaba set phatok 4-5 snem namar ka kam bamsap. Ka ïingbishar ka la dain kuna ruh kaba kot T.2.05 lak.){kind=link}