Agartala, Jylliew 4: Ka Iingkashari ha Tripura ha ka sngi Saitjain kala hukum ban set phatok shi rta jingim ia ki 4 ngut ki briew kiba pyniap dusmon ia u Bank Manager da kaba shu dung iap ia u ha kine ki 4 snem bala leit noh.
Ka Iingkashari West Tripura District and Session Court, bala pyniaid da u Judge Subhasish Sharma Roy, kala pynngat ruh ha ka kuna ba mar T. 50000 ia kine ki 4 ngut.
Kat kum ka khubor, kane ka jingjia kala jia ha ka 3 tarik Nailar 2019, ha kaba kine ki runar kila dung iap ia une u Branch Manager Bodhisatwa Das jong ka United Commercial Bank (UCI) ha Dharmanagar, North Tripura.
Kine ki saw ngut ki kynthup ia u Sub Inspector (Traffic) Sukanta Biswas, u nongkhaii Sumit Chowdhury, u Sumit Banik bad u Omar Sharif ba khot s in u Shoaib Mia.
