Guwahati, Jylliew 4: U Myntri Rangbah ka Assam Himanta Biswa Sarma ha ka sngi Saitjian, ula pyllait paidbah ia ka New Education Policy (NEP)-2020 na ka bynta ki shlem pule Higher Education ka Jylla ha ka jingialang kaba la pynlong ha Guwahati University.
Ula ong ba ka jingpyntreikam ia ka New Education Policy kan dei ka sngi sah jingkynmaw ia ka Jylla.
U Himanta ula ong ba kum shibynta jong kane ka policy, ka jingpynleit jingmut kan long ha kaban ai ia shibun ki jinghikai bad ban pynkhreh ia ki samla ba kin shemphang ha kiba bun ki bynta.
U la ong “Ka NEP ka dei kaba la iohi jngai da u Myntri Rangbah Duh Narendra Modi ban pynkhreh ia ki samla ka Ri na ka bynta ka lawei bad ka jingpyntreikam ia kane ka policy kan dei ka sngi sah jingkynmaw ha ka histori ka Assam”.
Ula ai ka jingiaroh ruh ia ka Tnad Higher Education bad ka Guwahati University kiba la shimkhia ha kaban pyntreikam ia ka NEP-2020.
Haba iaroh ia ka Policy, u Himanta ula ong ba ka NEP kala plie lynti ruh ia kiba bun ki jingkylla ha ka liang ka pule ka dangle hapoh ka Ri.
