Agartala, Jymmang 11 : Hynne ka sngi, ki kynhun bapher bapher kynthup ki samla pule bad ki seng Kynthei kila pynlong ia ka jingiakhih pyrshah ia ka jingrahbor bad lehbeijot kynhun ia kawei ka samla pule College ha Tripura.
Kat kum ka khubor, kane ka samla, kaba don hapdeng hapdeng ka jingsumar ha Govind Ballabh Pant Medical College and Hospital, ka don hapdeng ka jingshitom jur.
Kane ka samla ba 20 snem, ka la shah rahbor ha ka janmiet sngi Nyngkong katba ka dang leit phai na College shala Iing. Ia kane ka samla la rahbor na khapsor.
Ha kajuh ka por, ki Pulit kila kem ia arngut ki briew ba donkti ha kane ka kam bad kine ki dei u Gautam Sharma bad u Sudip Chettru. Ia kine ki briew la kem hynnin ka miet sngi Balang bad hynne ka sngi Palei.
“Ha ka jingkhynra, ki Pulit kila ioh ban kurup ia ka kali ba pyndonkam ha ka jingrahbor lem bad ka pisa ba T. 90 lak n aka Iing jong uwei u briew ba donkti u Prasanjit Paul, uba la ioh phet rieh shuwa ka jingleit khynra ia ka Iing jong u” ong ki Heh Pulit.
Kat kum ka jingiathuh ki Pulit, ia kane ka samla la lap na kawei ka jaka ba kynjah kaba don ha ka surok bypass. La lap ia ka ha ka miet sngi Nyngkong bad la kit mar mar sha Hospital.
Ka Kmie jong kane ka samla ka iathuh ba ka Khun jong ka, ka dang wan phai iing ha ka por ba u Gautan ula khot ban ialam ia ka sha Iing.
Ki don sa lai ngut ki briew ha ka kali, ong ka Kmie bad kynnoh bad baroh saw ngut ki briew kynthup u Gautam, kila leh beijot ia kane ka kali hapoh ka kali bad kila leit ban bret ia ka ha surok by-pass.
