Imphal, Jymmang 11 : Sa shisien ka jinglong jingman ha Manipur kala khihwin biang hynne ka sngi Palei hadien ka jingkulmar kaba mih ha kylleng ki bynta jong ka Jylla.
Hynne ka sngi palei, ki Nongiakhih bala mih paidbah, kila mih sha surok ha Kangpokpi District ka Manipur ban khang lynti ia ki trok kit marbam.
Kat kum ka khubor, kine ki trok kit mar bam ki dei kiba wan na Dimapur, Nagaland ban pynpoi marbam sha Manipur.
Ki nongiakhih kila khang lynti da ki taiar bad ki dieng bala wiang ding ha jan kumba 10 tylli ki jaka jong ka National Highway 2 ban khang lynti ia ki trok ha Kongpokpi District.
Uwei u Pulit Commando ka Manipur ula iap bad lai ngut kila mynsaw n aka jingshah ther kuli kaba jia hynne ka step hapdeng ki shipai bad ki suba kaikhlaw.
Ia kine ki Pulit kiba mynsaw la kit noh sha ki hospital bapher bapher ka Jylla ba kin ioh ia ka jingsumar. Ka jinglong jingman mynta ha Manipur ka dang sniew dang sniew namar ka jingmih sa ki kynhun kaikhlaw.
