Guwahati, Jymmang 4: Ka Bharatiya Janata Party (BJP) ka la pynkhlaiñ ïa la ka jong ka ktem ha ka thaiñ shatei lam mihngi hadien ba ka la ïoh ïa ka jingjop ha ka elekshon shiteng samoi jong ka Ïingdorbar Thawaiñ ha Nagaland ha Koridang bad Dharmanagar konstitwensi jong ka Tripura, kaba la pynbna result ha ka sngi Nyngkong.
Ha Nagaland, u kyrtong ka BJP u Daochier I. Imchen u la jop ha Koridang (ST), kaba la sah thylli hadien ka jingkhlad noh jong u nongialam ba la rim bha u Imkong L. Imchen.
U nongialeh pyrshah ba jan tam jong u, u kyrtong ka Congress u T. Chalukumba Ao- uba la iakhun kham mynshwa ia ka elekshon sha ka iing dorbar thawain jong u snem 2023 da ka tiket JD (U)- hynrei um shym la lah ban iakhun pyrshah.
Ka jingweng noh jong u nongïalam ka BJP, u Imchainba Jamir na ka jingïakhun, ka la ïarap ban pynskhem ïa ka jingkyrshan ha lyndet jong u Imchen.
Ha Tripura, u Jahar Chakraborti jong ka BJP u la ioh ban knieh ia ka shuki ha Dharmanagar da kaba pynliem ia u kyrtong ka Congress u Chayan Bhattacharjee bad ia u Amitabha Datta jong ka CPI (M). Ka jingthep vote (bypoll) ka la long kaba donkam namar ka jingkhlad noh jong u Lamphang dorbar bad MLA uba la long saw sien u Biswa Bandhu Sen.
Baroh ar tylli ki constituency ki la sakhi ia ka jingwan thep vote kaba khlain bha ha ka por thep vote kaba la long ha ka 9 tarik u Iaiong.Ka Koridang ka la ioh ia ka jingwan thep vote kaba long 75.06 percent- kaba heh tam napdeng baroh ki seat- katba ka Dharmanagar ka la ioh ia ka jingiashim bynta kaba khlain bha.
 ka la pynkhlaiñ ïa la ka jong ka ktem ha ka thaiñ shatei lam mihngi hadien ba ka la ïoh ïa ka jingjop ha ka elekshon shiteng samoi jong ka Ïingdorbar Thawaiñ ha Nagaland ha Koridang bad Dharmanagar konstitwensi jong ka Tripura, kaba la pynbna result ha ka sngi Nyngkong.){kind=link}