Agartala, Jymmang 26 : Ki Pulit ka Railway ka Agartala Railway Station, kila ioh kem ia arngut ki nongkhaii tiar siat ba kynthup ia kawei ka Kynthei ha ka sngi Thhohdieng.
Ki Pulit ka Railway kila ioh kurup ruh ia kawei ka pistol 9mm bad ka magazine.
Kine ki nongkhaii tiar siat ki kyrteng u Karan Debbarma bad ka Priya Debbarma, kiba dei na ka shnong Khowai District.
Haba iakren bad ki nongthoh khubor, u Tapan Das, Officer inCharge ka GRP Station ha Agartala Railway Station ula ong “Kumba ha ka por 9 baje mynmiet, ngi la ioh jingtip ba don arngut ki briew kila wan sha Agartala da ka Jana Shatabdi Express bad kiba rah tiar siat. Ki Pulit ka GRP ha ryngkat ki pulit syntiat kila ap shrip ha manla ki jaka mih jong ka Station”.
“Haba ka rel kala wan poi ha ka jaka, ngi la iohi ia u shynrang bad ka kynthei kiba iaid sted bha ban jam ia ka overbridge. Ka rukom iaid jonng ki kala pynlong ia ngi ban bat ia ki. Ha ka jingtalasi, da ka jingiarap ki Pulit Kynthei, ngi la ioh kurup ia kawei ka pistol bad artylli ki magazine ba thylli” ong u Das.
“Ngi la kurup ia ki mobile phone jong ki bad ngi dang wad ia kiwei pat ki dkhot jong ka kynhun ki nongkhaii tiat siat. Ia kine ki arngut la ialam tian bishar ha Iingkashari bad pan por ban set ia ki hapoh ka Police Custody ban ioh tohkit shuh shuh” ula ong.
