Agartala, Lber 20: Ha kawei na ki jingjia kaba pynpar niangkhriat bad kaba la pynkyndit ia kiba bun, kawei ka longkmie kaba don duna ha ki dkhot met la kynnoh ba kala shah bat bor da ka kynhun (gangraped) ha Agartala, ha kaba u kurim jong ka la shah kynnoh ba u dei u wei napdeng kine ba leh ia kane ka kam bymman bad hadien ki pulit kila kem noh ia u.
Une u tnga ba la shah kynnoh ba leh ia kane ka kam bymman la tip kyrteng kum u Subrata Dey uba shong ba sah ha Jogendranagar.
Katkum ka kyrwoh khubor na ki pulit la iathuh ba, Ha ka sngi Balang ki pulit ki la kem ia Subrata Dey bad ki dang pynlong ia ka jingthwet ba jur bha ban kem sa ia ki san ngut pat kiba la suba kiba ia donkti lang ban leh ia kane kam bymman.
Shuh shuh ki pulit kila iathuh ba, “Ha ka 14 tarik u mynta u bnai Lber kila register ia ka mukotduma halor ka jingshah bat bor da ka kynhun bad ki la kem ia uwei u briew haduh mynta. Une u briew uba la shah kem u dei u tnga jong ka lanot, bad ryngkat ki paralok u la leh ia katei ka bymman”.
Katkum ki kaiphod la ong ba une u Subrata Dey u shong u sah ha iing kiaw bad kane ka jingjia kala jia ha ka sngi Thohdieng ba la dep ha ka por ba u kthaw bad ka kiaw jong u kim don satia ha iing, bad ha ka jingshong shit kyiad ma u lem bad ki paralok kila leh ia kane ka kam.
Ki pulit ki la register ia ki kyrteng jong ki 6 ngut kiba shah kynnoh ha katei ka jingjia bad ki dang pynlong ia ka jingthwet ba jur ia ki 5 ngut kiba dang lait na kti jong ki pulit bad ka jingtohkit halor kane ka dang iaid mynta.
 ha Agartala, ha kaba u kurim jong ka la shah kynnoh ba u dei u wei napdeng kine ba leh ia kane ka kam bymman bad hadien ki pulit kila kem noh ia u.){kind=link}