Agartala, Naiwieng 29: Ka Tipra Motha Party (TMP) kala iakynduh ia u Nongaibuit ka Ministry of Home Affairs (MHA) AK Mishra ha Agartala ha ka sngi Ba-ar, bad iakren halor ka jingdawa ia ka ‘Greater Tipraland’.
Ka TMP kala dawa la slem ia ka ‘Greater Tipraland’ lane ka Jylla la ka jong na kabynta ki paid riewlum kat kum ka Article 2 bad 3 jong ka Riti Synshar ka Ri.
Hadien ka jingialang, u Hehduh ka TMP Pradyot Bikram Manikya Deb Barman ula ong ba ka TMP ka dang ieng skhem ha ka jingdawa ‘Greater Tipraland’ bad ka “Sorkar Pdeng ka dei ban pynurlong ia ka jingdawa bad ka dei ban kren shai ha ryngkat ki jingai jingmut ia kane ka jingdawa jong ngi”.
Haba iakren bad ki nongthoh khubor, u Pradyot ula ong “Ka Pakistan kala pyrshang ban pyndonkam da ka ktien Urdu ia ki paidbahka East Pakisran bad ta ka daw ka mih ka jingiakhih halor ka ktien ka thylliej (ha u snem 1948), kaba lam sah ka jingpynkha ia ka Ri Bangladesh kaba laitluid. Kumjuh ruh, ia ka ktien ki paid riewlum dei ban burom da baroh bad ngi donkam iala ki jong ki kot ba thoh da ka ktien lajong”.
Une u Nongialam ka TMP ula ong ba ha kine ki bnai bala leit noh kala don bun ka jingialang bad u Myntri kam Pohiing Amit Shah bad u Myntri Rangbah ka Assam Himanta Biswa Sarma hynrei kine baroh arngut ha ryngkat u Myntri Rangbah ka Tripura kila kyntait ia ka jingdawa ‘Greater Tipraland’ da kaba ong ba yn ym phiah satia ia ka Jylla Tripura.
Hadien ba ka TMP kala ioh ia ka bor synshar hapoh ka Tripura Tribal Areas Autonomous District Council (TTAADC) ha u bnai Iaiong, ka party kala pynkhlain ia ka jingiakhih ban kyrshan ia kane ka jingdawa, kaba la pyrshah jur bha da ka BJP, ka CPI-M, ka Congress bad ka Trimanool Congress nalor kiwei kiwei ki party.
 kala iakynduh ia u Nongaibuit ka Ministry of Home Affairs (MHA) AK Mishra ha Agartala ha ka sngi Ba-ar, bad iakren halor ka jingdawa ia ka ‘Greater Tipraland’.){kind=link}