Aizawl, Naiwieng 29: Ka kynhun ba san ngut ki nongialam ka NGO Coordination Committee (NGOCC) ha ka sngiBa-ar kila iakynduh ia ka Election Commission ha New Delhi bad dawa ia kane ka bor pyniaid elekshon ba kan pynkynriah noh ia ka sngi niew vote na ka sngi U Blei, ka 3 tarik Nohprah.
Ka NGOCC kaba dei ka kynhun ki Sengbhalang, kala kyrmen bha ba ka ECI kan pynkylla noh ia ka Tarik niew vote jong ka elekshon MLA ha Mizoram namar ba ka dei ka Jylla Khristan bad ba ka sngi U Blei ka dei ka sngi kyrpang bad sngi Duwai jong ka Jaidbynriew.
U Chairman ka NGOCC Lalhmachhuana uba dei u President ka Young Mizo Association (YMA) ula ialam ia ka kynhun, kaba la leit sha Delhi ha ka sngi Palei ban iakynduh ia ki heh ka ECI.
Ka kynhun kala hiar sha Delhi hadien ka jingiakynduh ia u Chief Electoral Officer (CEO) ka Jylla Madhup Vyas hynrei la ong b aka ECI ka khlem ai satia kano kano ka jingkular.
Ha ka 3 tarik Nohprah, palat 4000 ngut ki nongniew vote kin iadonbynta ban ianiew ia ki vote ha ki 13 tylli ki counting centre hapoh ka Jylla.
La buh ruh haduh 40 tylli ki hall niew vote ha kylleng ki District. Baroh ki EVM kila don ha ki strong room jong baroh ki 11 tylli ki District Headquarter ka Jylla.
 ha ka sngiBa-ar kila iakynduh ia ka Election Commission ha New Delhi bad dawa ia kane ka bor pyniaid elekshon ba kan pynkynriah noh ia ka sngi niew vote na ka sngi U Blei, ka 3 tarik Nohprah.){kind=link}