Agartala, Lber 21: Ka Twipra Students’ Federation (TSF) hynne ka step ka la sdang ia ka jingiakhih kaba khlem buh por ha baroh kawei ka Jylla Tripura ban dawa pyntreikam daka Roman Script naka bynta ka ktien Kokborok.
Kum shi bynta jong ka jingïakhih, ki samla ba iakhih ki la khang ïa ka surok VIP kiba pyniasoh sha ka Kad Liengsuiñ, sha Assembly, bad sha High Court ha ka Nongbah Agartala.
Kane ka jingiakhih kadei ruh haka sngi plie ia ka dorbar mang tyngka jong ka Tripura bad kane ka jingiakhih kadei ruh pynjur ia ka jingpynbor ia ka Sorkar ban pynurlong iaka jingdawa.
Da ki spah ngut ki nongïakhih jong ka TSF bad YTF ki la ïalum ha ki jaka bala kut bad ki la pynthut ïa ka ïaid ka ieng bad ki la pyrta ban pynsngew iaka jingdawa jong ki.
Haba kren sha ki lad pathai khubor, u In-charge jong ka TSF bad u secretary ka YTF u James Debbarma u la kynthoh ia ka Sorkar kaba la iehnoh ia ka jingdawa jong ki, kaba la palat san phew snem, wat hapdeng ka jingpynthikna bunsien.
U James u la kynthoh ba ka bynta kaba kongsan jong ka jaidbynriew trai ri kiba kren Kokborok ka kham sngewtynnad ia ka dak Roman ban ia ka dak Bengali kaba la pyndonkam mynta ha ki kot ki sla jong ka Sorkar bad ha ka jinghikai.
Da kaba pyniasyriem bad ka jingmih jong ka Bangladesh, u Debbarma u la kdew ia ka jingpynbor ia ka ktien Urdu halor ka ktien Bengali kum ka nuksa ba kumno ki rai kiba iadei bad ki jingthoh ki lah ban pynmih ia ka jingbym sngewhun.
“Ka dak Roman ka long kaba la pyndonkam bha hapdeng ki nongkren Kokborok, bad ngin ym kynran dien tad haduh ban da pyndep ia ka jingdawa jong ngi” u la ong.
Ka jingpakhang surok hajan ka Assembly ka dei ka jingpyrshah ïa ka Sorkar, kaba la pynbor ïa ki Myntri bad iaki MLA ban shim da kiwei pat ki lynti ban lait na ka jaka ïakhih kaba don hajan ka Circuit House.
La sakhi ba ki bor Sorkar kila pynjur iaki bor pahara bad ki la kyntu ïa ki nongïakhih ban ia pra da kaba maham ban leh katkum ki kyndon ain lada ki jingpynthut ki dang ïai bteng.
Ka TSF ka la byrngem ban iai bteng ia ka jingiakhih khlem kut por tad haduh ba ka Sorkar kan shim ia ki sienjam kiba skhem ban shim ia ka ktien Kokborok.
 hynne ka step ka la sdang ia ka jingiakhih kaba khlem buh por ha baroh kawei ka Jylla Tripura ban dawa pyntreikam daka Roman Script naka bynta ka ktien Kokborok.){kind=link}