Agartala, Jylliew 4: Ka Youth Tipra Federation (YTF), kaba dei ka shnat trei kam ki samla jong ka party Tipra Motha kala byrthen ban leh kum ka “Covid-like lockdown” hapoh ka jylla Tripura lada ka sorkar kam lah ban pynshitom ia u district magistrate jong ka Gomati hapoh hynniew sngi namar ka jingbym burom ia u hehduh ka party.
Kane ka jingai por, kala wan hadien ba ki dkhot ka YTF kala pynlong ia ka jingiakhih ha khmat ka ophis jong u district magistrate’s (DM) Gomati.
Na ka liang ki dkhot jong ka YTF kiba iakhih kila khang dam ia ka ia ka khyrdop bah ka ban rung shapoh ka ophis, ban dawa ban leh eiei pyrshah ia u DM u Tariat Kanti Chakma namar ka jingbym burom ia u hehduh ka party, Tipra Motha u Pradyot Kishore Manikya Debbarma.
Haba kren sha ki lad pathai khubor, u President ka YTF u Suraj Debbarma u la ong, “Ki nongialam bad ki nongkyrshan kila pynlong ia kane ka jingiakhih kaba heh ha khmat ka ophis jong u DM ha Udaipur ha ka sngi Nyngkong. Ka YTF kala pynlong ruh ia ka jingiakhih ha ophis jong u SDM ha Amarpur bad ha Korbook jong ka Gomati district ban pyrshah ia ka jingbym burom kaba la pyni da u district magistrate,”.
Na ka liang ka kynhun ka liang pyrshah ka CPI (M) kala pynrem jur ia kane ka jingleh jong ki samla ka Tipra Motha’s youth ban pynlong ia ka jingiakhih ha Gomati DM office.
