Shillong, July 22: Ka Meghalaya Human Rights Commission (MHRC) kala shim da ka ‘Suo Motu’ ha kaba iadei bad ka jingsaphriang ka video ia kaba la pyni ia ka rukom leh jong ki pulit ia ka metiap jong ka kynthei, ia kaba la kynnoh ba kala shah pyniap ha la u samla ha East Garo Hills district.
La rah ia ka metiap khlem da tap ia ka dur ka dar, ia kaba lah ban iohi lut da baroh kiba peit, kaba pyni ia ka jingbym don jingsngew eiei jong ki pulit, la pynpaw u Secretary ka MHRC L Ch Marak ha ka kyrwoh khubor hynne ka sngi Baar.
U Marak ula pynpaw ruh ba kala don ka jingkynnoh ba ka One Stop Centre (OSC) ha Williamnagar kam shym la shimkhia eiei haba katei kaba la mad ia ka lanot kala leit mih sha katei ka Centre ban pan jingiarap.
Ka Commission kala bthah ia u Superintendent of Police ka East Garo Hills district ban aiti ia ka kaiphod halor kane ka mat.
Ka Commission kala bthah ruh ia ka Director ka Social Welfare ban aiti ia ka kaiphod ryngkat bad ka kopi jong ki kot khubor.
 kala shim da ka ‘Suo Motu’ ha kaba iadei bad ka jingsaphriang ka video ia kaba la pyni ia ka rukom leh jong ki pulit ia ka metiap jong ka kynthei, ia kaba la kynnoh ba kala shah pyniap ha la u samla ha East Garo Hills district.){kind=link}