Shillong Nailur 10: Ka Meghalaya State Legal Services Authority (MSLSA) ha ka Sngi Saitjaiñ kala pynlong iaka National Lok Adalat ha baroh ki district jong ka jylla Meghalaya.
U Member Secretary jong ka Meghalaya State Legal Services Authority Bah E Kharumnuid lyngba ka kyrwoh ula pyntip ba ka MSLSA kaba dei hapoh jongka National Legal Services Authority (NALSA), ha ka jingpynlong ia ka National Lok Adalat, kala shong tian bishar ia ki 837 tylli ki mukotduma bad ia ki 450 tylli ki mukotduma kiba dang shateng la tian bishar naka bynta ban ioh pynbeit noh.
La tian bishar ia 1287 tylli ki mukotduma ha kaba la lah ban pynbeit haduh 235 tylli bad ka jinglut jingsep kala kynjoh sha ka T.84,47,480 Lak tang ha ka National Lok Adalat.
