Shillong, Lber 27 : Ka Khasi Hills Autonomous District Council (KHADC) kala thungkam ia 8 ngut ki nongtrei ha ki kam bapher bapher hapdeng u snem 2019-2020 khlem da pynmih ia ka jingpynbna laitkam ne pynlong ia ka eksam ne interview, kaba lam sha ka jingthungkam jied bahaiing ne paralok.
Ia kane la pynpaw da ka Comptroller anad Auditor General of India (CAG) ha ka kaiphod jong u snem ba kut ha ka 31 tarik Lber, 2020, bala wanrah hapoh ka Iingdorbar ha ka sngi Balang.
Ka Khasi Hills Autonomous District Council Service Rules, 1961 kala teh kyndon ia ka jingthungkam bad kyntiew kyrdan ia ki nongtrei ka KHADC.
Ka Rules 3 kala kren shai ba ka jingthungkam ha baroh ki kyrdan bad nongtrei dei ban leh hadien ka jingpynmih ia ka jing pynbna laitkam bad da kaba pynlong ia ka eksam lane ka eksam ba shu kylli jingkylli markhmat bad ka interview.
Ha ka jingbishar ia ki kot ki sla la pyni ba ka KHADC kala thung kami a 8 ngut ki nongtrei ha ki kam bapher bapher hapdeng u snem 2019-2020.
Kine ki kynthup : Barijied Khyllep as Lower Division Assistant (LDA) ha ka 18 tarik Iaiong, 2019, Collin Bakhraw L Mawphlang – peon ha ka 1 tarik Jymmang, 2019, Andrew Khongwir – Plantation chowkidar (PC) ha ka 9 tarik Jymmang, 2019, Trairistar D War bad Donborlang Dkhar kum ki Assistant Foresters (AF) ha ka 13 tarik Jymmang, 2019 bad Jayden Kharnonglong, Ardonald RK Nongrang bad Bankerlang Suting kum ki Sectional Assistants (SA) ha ka 6 Nailar, 2019, 4 tarik Naiwieng, 2019 bad 3 tarik Rymphang, 2020.
La ong ruh ba ia kine ki jingthungkam la leh khlem da pynmih ia ka jingpynbna laitkam bad la thung ia ki tang da ka jing mynjur jong ka Executive Committee khlem da pynlong ia ki eksam ne interview.
Kane kala lam sha ka jingpynduh ia ka lad iohkam ia ki samla kiba dei hok ban ioh kam.
 kala thungkam ia 8 ngut ki nongtrei ha ki kam bapher bapher hapdeng u snem 2019-2020 khlem da pynmih ia ka jingpynbna laitkam ne pynlong ia ka eksam ne interview, kaba lam sha ka jingthungkam jied bahaiing ne paralok.){kind=link}