Shillong, Nailur 10 : U Myntri Rangbah ka Jylla Conrad K Sangma ha ka sngi Balang, ula pyntip ba ha kine ki san snem bala leit, ka Sorkar kala thungkam haduh 500 ngut ki doktor bad katto katne kiba dang leit hikai pyntbit, ban pynhiar ia ka jingduna ki doktor ha ki Primary Health Centre (PHC) bad Community Health Centre (CHC).
Kane ka sienjam kala lam sha ka nang pynbha shuh shuh ia ki jingshakri ha ka koit ka khiah, ong u Conrad ha Iingdorbar Thaw Ain haba jubab ia ka cut motion.
Ka Sorkar kala thaw ia ka Recruitment Board na ka bynta ka tnad ka Koit ka Khiah, kaba dei ka rai ba donkam bha ban tem ia ka jingduna ki doktor ban shakri hapoh ki jaka sumar ka Jylla, ula bynrap.
U Myntri Rangbah ula ong ba wat hapdeng kane, ka jingtynjuh ka dang doh bad ki dang don shibun kiei kiei kiba hap ban leh.
Ula kular ba ka jinglong jingman kala kham bha ban ia ki por bala leit ban pynpaw ia ka jingsngewskhem ba kan iai bteng ban nang bha shuh shuh ha ki sngi ban nang wan.
 bad Community Health Centre (CHC).){kind=link}