spot_img

Thung ka Sorkar ia u Judge barim ka Madhya Pradesh kum u Chairman ka Expert Committee

Date:

Share post:

Shillong, Nailar 25 : Ka Sorkar Meghalaya Democratic Alliance –II, kala thung ia u Judge barim ka Madhya Pradesh High Court Justice (Retd) Mool Chand Garg kum u Chairman ka Expert Committee bala thung da ka Sorkar ban bishar thymmai ia ka State Reservation Policy.

Ki kyrteng jong ki 5 ngut ki dkhot ka Expert Committee ruh la dep mynjur da ka Kynhun Myntri kaba shong jingialang hynne ka sngi Thohdieng, kaba la pyniaid da u Myntri Rangbah ka Jylla Conrad K Sangma.

Ka Sorkar kala thung ruh ia u Judge barim ka Allahabad High Court Justice (Retd) Dr Satish Chandra kum u Expert Member ha ka Constitutional Law. U Justice Chandra u dei ruh u President barim ka Custom, Excise bad Service Tax Appellate Tribunal.

Ki 3 ngut ki Expert Member ki dei u Prof DV Kumar na ka Department of Sociology, NEHU, Shillong kum u expert member ha ka Sociology, Prof Chander Shekhar na ka Department of Fertility and Social Demography, Indian Institute of Population Sciences (deemed to be University), Mumbai kum u expert member ha ka population studies bad Prof Subhadip Mukherjee, Assistant Professor of Economics and Public Policy ka IIM, Shillong kum u expert member ha ka Economics.

Ka Myntri bad nongaiktien ka Sorkar Kong Ampareen Lyngdoh kala pyntip ba ka kyndon treikam jong ka Expert Committee kan long ban bishar thymmai ia ka Reservation Policy ba mynta ka Jylla bad ban ai jingmut ia ki jingpynkylla, lada donkam bad ban shim ruh ia ki jingiasyllok bad baroh ki kynhun bapher bapher nalor ban leit iuhkjat ha kylleng ki jaka ka Jylla ban pan ia ki jingmut na ki paidbah.

Ia kane ka Expert Committee la bthah ba kan aiti ia ka kaiphod sha ka Sorkar Jylla hapoh ka 12 bnai, kala bynrap.

Share post:

spot_img
spot_img

Popular

More like this
Related

Pynkup burom ka Laban ia u MLA ba shah thung kum u Myntri ka Sorkar MDA

Shillong, Nailur 23 : Ka Dorbar Shnong Laban hynne...

Hadien 3 sngi lap ia ka metiap ka Khynnah ba jah na Mawlyngkhar

Nongstoin, Nailur 23 : Ki Pulit ka West Khasi...

Bitar ka Ri-Bhoi ba tuklar u Heh BJP ka Assam ia ki kam jaka ha thain Killing

Nongpoh, Nailur 23 : Ka Ri-Bhoi District baroh kawei,...

Kyntait u DyCM ba jied briew lajong ha ka jingbujli Myntri ha ka Sorkar MDA

Shillong, Nailur 23 : U Symbud Myntri Rangbah Bah...