Shillong, Iaiong 24: Ka Sorkar Jylla ka la thung ia u Additional Secretary Ramakrishna Chitturi kum u Nodal Officer jong ka Meghalaya Right to Public Services Act, 2020, na ka bynta ka tnat Planning, Investment Promotion & Sustainable Development.
Ia kane la pyntip da u Commissioner & Secretary u Bah CVD Diengdoh ha ka jingpynbna ba la pynmih ha ka 21 tarik Iaiong.
U Chitturi u dei u Additional Secretary ba khmih iaka tnat Planning, Investment Promotion & Sustainable Development.
Ka official email ID jong u kadei [email protected].
Ka Meghalaya Right to Public Services Act, 2020, ka bthah ba dei ban pynpoi haka por ba biang ïa ki jingshakri paidbah sha ki nongshong shnong bad ka aibor ruh ban pynshitom iaki nongtrei Sorkar ba la thung lada kim lah ban pyndep haka por bala buh.
