Shillong, Kyllalyngkot 12: Ka Khasi Hills Autonomous District Council (KHADC) dang shen kala thung ia ka Public Accounts Committee (PAC).
U Chief Executive Member barim ka KHADC Bah Titosstarwell Chyne ula shah thung kum u Chairman jongka PAC ha ka dorbar tlang kaba la kut dang shen.
Kane ka long katkum ka jingbthah jong ka Comptroller and Auditor General of India (CAG), kaba la ong, “La bthah ia ka KHADC ba ka lah ban thung ia ka Public Accounts Committee ban shim ia ka sienjam kaba buh da ka por halor ka jinglap jongka Kaiphod Audit ban pynthikna ba kan don ka jingiaid beit iaid ryntih ha ka rukom pyndonkam iaka pisa bad ban don ka jingtreikam kaba bha bad kaba ryntih hapoh ka KHADC”.
Katkum ka Comptroller & Auditor General’s Regulations on Audit and Accounts No 197, u officer in-charge jongka “Auditable Entity” u dei ban phah ia ka jubab sha ka Inspection Report (IR) hapoh saw taiew naduh ka sngi ba ioh pdiang.
Ka kaiphod jongu Comptroller and Auditor General of India ha kaba iadei bad ka district council kadei kaba la pynkhreh lyngba ka Paragraph (4) jongka Sixth Schedule ka riti synshar ka ri ban aiti sha u Lat ka jylla, ban sa phah kylla ban wanrah hakhmat jongka KHADC.
Lyngba ka Audit Report ha kaba iadei bad ka KHADC na ka bynta u snem for 1970-71 haduh u 2012-13 la dep ban aiti sha ka KHADC, hynrei ym shym la don kano kano ka jingshim ia ki sienjam halor ki jinglap jong ka Audit Report ha u Jymmang 2022.
U Secretary jongka Executive Council, KHADC ula pynpaw (Nailar 2022) ba ka Council (ha u Kyllalyngkot 2017) kala thung ia ka committee ban khmih bniah ia ka CAG Report jong u snem ba kut ha ka 31 tarik u Lber 2010 ban ai iaki jingbthah kiban iarap ha kaban pynbeit ia ki jinglap jongka Audit.
Ia ka kaiphod jong ka committee la phah sha u Accountant General (Audit), Meghalaya, Shillong (Report Section) hapoh ka shithi kaba la phah da ka ophis ha ka 31 tarik u Naitung, 2017.
 dang shen kala thung ia ka Public Accounts Committee (PAC).){kind=link}