spot_img

Thung ka DC ia ka Complaint Committee halor ki kam jrongkti ia ki Kynthei ha ki Jaka trei

Date:

Share post:

Shillong, Jymmang 08: Ka Deputy Commissioner ka East Khasi Hills Kong RM Kurbah kala thung biang ia ka Local Complaints Committee (LCC) ban pyntreikam ia ka Sexual Harassment of Women at Workplace (Preventive, Prohibition and Redressal) Act, 2013.

Katkum ka jingpynbna jong ka DC kala ong ba ki Block Development Officer (BDO) jong ki 11 tylli ki Community & Rural Development Blocks kin long kum ki Nodal Officer jong ka committee kaban khlieh da ka ka Chairperson bad ka Additional Deputy Commissioner Kong D Kharshiing.

Ki dkhot jong ka committee ki kynthup ia ka Ebhamiki War Pakyntein, Law Officer jong ka SMB, Kong Mayfereen Ryntathiang President jongka Grassroot Shillong bad ka Rebina Subha nongseng jong ka Shamakami NGO, E Kharchandy, District Social Welfare Officer kum ka member ex-officio.

Ka kamram jong kane ka committee ka long ban pdiang ia ki jingujor halor ki kam thombor bad jingshah leh khlem akor ha ki jaka trei, ia kaba ym shim la buh ia ka Internal Complaints Committee namar ka jingdon palat duna ia ka 10 ngut ki nongtrei ne ka jingujor kadei pyrshah ia u nongaikam hi.

Ka Chairperson bad man la ki dkhot jong ka local committee kin shong ban trei ia ka kam na ka bynta ka samoi ka bym dei ban palat ia ka 3 snem naduh ka sngi ba la thung ia ki.

Share post:

spot_img
spot_img

Popular

More like this
Related

Khot hajir ka GHADC committee ia u MDC ka BJP halor ka jyrsieh thung Consultant GST

Tura, Naitung 03 : Ka Special Inquiry Committee (SIC)...

Dawa ka Joint Committee ia ka Sorkar ban pyntrei kloi noh ia ka Kynshi Hydro Power Project

Shillong, Naitung 03 : Ka Joint Committee of Local...

Thaw ka Sorkar ia ka Committee Anti-Ragging ha Shillong Medical College

Shillong, Naitung 03 : Ka Sorkar Jylla kala thung...

Dawa ka Dorbar Shnong ia ka MPSCB ban nym pat plie ia ka karkhana Ferro Alloy ha Rwiang

Shillong, Naitung 03 : Ka Dorbar Shnong ka shnong...