Shillong, Jymmang 08: U Superintendent of Police (SP) ka East Khasi Hills Bah Vivek Syiem hynne ka sngi u la ong ba ka don ka jingkiew ha ka jingdon jong ki kali, ki ar shaka bad saw shaka kiba pyndait tiar ha ki ktang mih tdem, kiba pynmih ia ki jingdawa kiba jam ha nongbah khamtam ha ki por mynstep bad mynmiet kaba ktah iaki ba la noh rta, ki khunlung khynnah bad baroh ki paidbah.
“Watla naka liang ki bor Pulit man ka por ki ju kyntu bad kyrpad iaki trai ki kali saw shaka bad arshaka hynrei dang ïohi ba ki kali ki pyndonkam ïa ki Non-Standard Nomber Plate, ki iit iong ba long beain, ki Film, ki blinkers/Flash Light kiba pynkheiñ ïa ki kyndon ïaid kali” la ong u SP.
Halor kane, U SP u la kyntu ia ki nongniah kali ba kin kiar na ki jingpynkhein kumba la kdew haneng khnang ban pynthikna ia ka jingshngain ha surok bad ka jinglong jingman kaba shngain ia ki paidbah.
U la maham ruh ba kino kino kiba pynkhein kin ngat ha ka jingpynshitom katkum ka kyndon jong ka ain.
 ka East Khasi Hills Bah Vivek Syiem hynne ka sngi u la ong ba ka don ka jingkiew ha ka jingdon jong ki kali, ki ar shaka bad saw shaka kiba pyndait tiar ha ki ktang mih tdem, kiba pynmih ia ki jingdawa kiba jam ha nongbah khamtam ha ki por mynstep bad mynmiet kaba ktah iaki ba la noh rta, ki khunlung khynnah bad baroh ki paidbah.){kind=link}