spot_img

Thrang ka NPWF ban pynkhlain ia ka NPP ha man ki District bad Block ban pynkhreh ia u 2028

Date:

Share post:

Shillong, Nailar 18: Kum shi bynta jong ka jingpynkhreh ia ka election ka ban sa long ha u snem 2028, Ka National People Women Front (NPWF) hapoh ka jingialam jong ka Kong Grace Mary Kharpuri kum ka President kila pynlong ia ka 1st State Committee Meeting.

Ia kane ka jingialang jong ka NPWF la pynlong ha Conference hall jong ka ophis National People Party, ha kaba baroh ki nongialam jong ki longkmie na kylleng ki District jong ka jylla kila wan ban ia shim bynta ha kane ka jingialang.

Thrang ka NPWF ban pynkhlain ia ka NPP ha man ki District bad Block ban pynkhreh ia u 2028

Ha kane ka jingialang, ki nongialam ba ha khmat eh jong ka NPWF kila bthah ia kiba wan ban mih khmat sha kane ka jingialang ba kin jied noh ia ki President bad ki Secretary ha man la ki District bad kumjuh ruh ha Block khnang ba ka party kan ban trei kam bha.

Hadien ba la dep ban thaw ne ioh ia ki nongkit kam ha ki District bad ki Block, ki nongialam ka NPWF kin leit sha man la ki District bad ki Block ban ia kynduh ia ki nongkitkam bad kumjuh ruh ia ki nongkyrshan jong ka Party khnang ba kan don ka jingiadei kaba iajan bha.

Ki nongialam ka NPWF kila bthah ruh ia baroh ba kynthup lang na ri lum Garo bad na ri lum Khasi ba kin hap ban phah noh ia ka report ha shwa ka 5 tarik u Nailur, khnang ba ka party kan ioh ban pynkhreh ban pdiang burom ia ki ha ka 12 tarik u Nailur sha ka NPWF.

Haba kren ha ka jingialang ka Kong Grace Mary Kharpuri kaba dei ka President jong ka State National People Women Front kala ong, kane ka jingialang ka long ban pyniaid shaphrang ia ki kam jong ka NPWF.

“Ka jingbthah ban phah seng noh ia ka NPWF ha man la ki District bad ki Block ka long ban pynkhreh na ka bynta ka election ka ban sa long ha u snem 2028” ong ka kong Grace.

Thrang ka NPWF ban pynkhlain ia ka NPP ha man ki District bad Block ban pynkhreh ia u 2028

Shuh shuh ka Kong Grace kala ong, “Lada ngi jop ha ka election ka party dang khlain shuh shuh man ka sngi hynrei lada ngi shah rem pat ha ka election, wat ki party baheh ruh kin sa shu sakma.”

Na ka liang u Bah Hamletson Dohling uba dei u Working President ka State National People Party haba ioh sngew ia ka jingeh jong ki longkmie ka NPWF bad khamtam lei lei kito ki constituency ki bym shym la don MLA ban pyntyllun ia ki kam jong ka party namar ba buna pisa, u la pynpaw ba u sa ia kren bad u President jong ka State National People Party bad kin sa ia shong pyrkhat lang bad ki nongialam ka NPWF ban ia rai kumno yn leh.

Ha kane ka sngi la wan ban ia don lang ruh u Prof Don War uba dei u General Secretary Organisation, u Bah Himalaya M Shangpliang uba dei u nongaiktien jong ka NPP, ka Kong P Nongpluh ka Vice President jong ka National People Women Front nalor kiwei pat.

Share post:

spot_img
spot_img

Popular

More like this
Related

Ioh I Kong Alfreeda R Thangkhiew ia ka kyrdan Doctor of Philosophy

Shillong, Nailar 18 : I Kong Alfreeda Rinylla Thangkhiew...

Tripura | Kyan ka jingiapher niam ha Kailashahar ba bret dohsniang bad shithi hapoh ka Mosque

Agartala, Nailar 18: Ka jingklumar kala khie kynsan ha...

Meghalaya–Assam border flare up: Maikhuli villagers pull down Assam electricity poles

Shillong, Aug 18: A tense situation erupted in Maikhuli...

Thombor ki runar ia ka Khynnah 16 snem da u nar injekshon ha Jaiaw

Shillong, Nailar 18 : Ha ka jingjia ba pynpar...