Iasyriem ka jingpynbthei bomb bad kaei kaba leh ka HNLC ha ki snem bala leit
Shillong, Lber 10 : Ka Ophis u Superitendent of Police ka East Khasi Hills, kala thong T. 1 lak ia kino kino ki briew kiba lah ban ai jingtip halor ka jingpynbthei bomb IED ha Them Metor, ban lapdien bad ithuh ia ki briew kiba donkti.
U Superintendent of Police Rituraj Ravi, ula ong ba ia kane ka jingpynbthei bomb la khein kum ka kam lehnoh bad kaba hap ha ka jingpynsajia kat kum ka Unlawful Activities (Prevention) Act bad ka Explosive Substance Act.
U ong ba ki briew kiba pynbthei ia une u bomb kila leh ia ka kam pyntriem kaba shyrkhei kaba long ka jinghiar thma ia ka Jylla.
Une u Heh Pulit u pyntip ba ka rukom pynbthei ia u bomb ka iasyriem bad ki jingbthei bomb ha ki snem bala leit noh, ia kiba la kam da ka seng Hynniewtrep National Liberation Council (HNLC). Hynrei u ong ba ha kane ka kynti ba mynta, ym pat shym la don kino kino ki seng ki ban kam ia ka jingdonkti ha kane ka jingpynbthei bomb.
U pyntip ba ki Pulit kila register da ka suo-moto FIR halor kane ka jingjia ha Sadar Police Station hapoh ka UA(P)Act bad ka Explosive Substance Act.
U Rani u iathuh ba ka jingtohkit mynta kala iaid shaid shaid ban iohkem ia ki briew kiba donkti bad ula pan ia ka jingiatrei lang jong ki paidbah ba kane ka jingpyrshang kan long kaba jop.
U pyntip ba u briew uba mynsaw na kane ka jingpynbthei bomb IED u dei uba la tip kyrteng da u Lakhon Singh.
Ula kyntu ia kiba ai jingtip ne khubor ba kim dei ban khuslai ne tieng namar ka Tnad kan buhrieh ia ka kyrteng bad jaka sah jong ki. Ia ki khubor/jingtip lah ban ai ha ka Special Cell da kaba shu phone/msg/whatsapp lane phone ha u nombor 9366790273 lane phah da ka email ha ka [email protected].
 Act bad ka Explosive Substance Act.){kind=link}