Shillong, Lber 10 : U Nongialam ka AITC bad Myntri Rangbah barim ka Jylla Dr Mukul Sangma, ula ther tyngeh ia ka Congress namar ka jingpynbna kyrtong ha ki artylli ki seat ka Lok Sabha jong ka Jylla Meghalaya.
Ula kynthoh ruh halor ka jingkren jong u Jairam Ramesh ba ong ba ka TMC ka khlem ap bad jam shakhmat ban pynbna ia ki kyrtong ha ki 42 tylli ki seat ha West Bengal.
“Ngi la ap slem palat bad nga tharai ba baroh bad ka Ri baroh kawei kila peit ia ngi, bad iai shah ban ap. Kala don ka jingthmu ban pynieng uwei u kyrtong n aka INDIA block ban pynthikna ba ngin ia kyllum lang ia ka bor bad nang pynkhlain ia ka bor jong ngi hynrei kane kam shym la jia satia” ong u Dr Mukul hynne ka sngi U Blei.
“Mynta lada ka Congress ka ong ba ka TMC ka khlem ap bad jam beit shakhmat da ka jingpynbna ia baroh ki kyrtong na ki 42 tylli ki constituency ka West Bengal, nga sngew ba ka dei ia ka ban kynmaw ba ka congress kam shym la don jingtip ia kaei kaba long ha madan” ula ong.
U Dr Mukul ula ong “Hato kam dei ka jingshisha ba ka Conress kala jam shakhmat dalade ha Meghalaya. Hangne ki don 2 seat bad ka Congress kala dep pynbna iala ki kyrtong na baroh ar seat”.
Peit lang ia kane
