Guwahati, Lber 10 : Ki Dkhot ka Akhil Bharatiya Vidyarthi Parishad (ABVP), kila pynlong ia ka jingiakhih hynne ka sngi ha Dighalipukhuri, Guwahati ban pynpaw ia ka jingpyrshah halor ka jingbym leh eiei ka Sorkar West Bengal ia ki kam umsnam ha Sandeshkhali.
Ki Dkhot ka ABVP kila dawa ia ka Sorkar West Bengal ba kan leh eiei noh mardor pyrshah ia ki briew kiba donkit ha kane ka kam umsnam.
Ka ABVP kala kynnoh ba ha kine ki khyndiat snem, ki Kynthei ka thain Sandeshkhali jong ka North 24 Parganas District ka West Bengal, kila shah iuhroit ka longrynieng man rynieng bad shah pynshitom dusmon da ki riew bymman kiba ioh ia ka jingiada na ka Sorkar Jylla.
Ha kane ka jingiakhih, ki dkhot ka ABVP kila pyrta slogan kaba long pyrshah ia ka Sorkar West Bengal bad ka jingthang ia ka tyngshop jong ka Myntri Rangbah Mamata Banerjee.
Ka ABVP kala phah ruh ia ka dorkhas sha ka President ka Ri India Droupadi Murmu lyngba u Deputy Commissioner ka Kamrup Metro halor ki jingdawa jong ka.
