Shillong, Nailar 18 : Ha ka jingjia ba pynpar niangkhriat ia baroh, kaweia Khynnah skul 16 snem, kala shah thombor ha ki arngut ki runar ha ka janmiet sngi Nyngkong, kiba la dung ia ka da u nar injekshon ba don ki kynja dawa bym lah ban tip, katba ka dang iaid lynti ha ka thain Jaiaw.
Haba iakren bad ki nongthoh khubor, ka Kmie ine I Khynnah ka iathuh ba ka Khun jong ka,ka dang don ha lynti ban leit sha skul ha ka por 2 baje janmiet hynrei kynsan kynsan, arngut ki samla kiba shonf scooty ba pynieng marjan ka Ophis ka Bible Society ha Madan Student, Jaiaw, kila pynieng ia ka bad kila dung da u nar injekshon na ka kti ka mon hashuwa ba kin phet krad na katei ka jaka.
La iathuh ba kine ki runar ki dei kiba la tap ia ki durkhmat bad ym lah ban ithuh satia ia ki.
Kane ka Khynnah kala leit mar mar sha Dispensary ha Jaiaw Langsning hynrei namar ka jingbym don doktor, la ialam noh mar mar ia ka sha Dr H Gordon Robert Hospital, Jaiaw, ban phah sumar mardor.
Ka kmie jong kane ka khynnah kala ong ba ka khun ka dang don hapdeng ka jingshah sumar bad ki doctor bad ki dang ap ia ka kaiphod jingtohkit ban lap ba kine ki runar kila injek da ka jingkhleh aiu ia kane ka khynnah.
