Shillong, Jylliew 29 : U Myntri kam jngohkai Bah Paul Lyngdoh ula pynbna ba ka Sorkar ka don jingthmu ban pynlong ia ka jingiakop ban pynshlur ia ki shnong ki thaw ba kin thung katba lah iaki dieng cherry blossom.
U Myntri ula pynpaw ba ki shnong kiba thung bun eh ki dieng cherry blossom kin ioh ia ka jingithuh lem bad ka khusnam.
U Bah Paul upyntip sha ki nongthoh khubor ba ka Tnad Jngohkai kan sa iatehlok bad ka Tnad Khlaw ban leh ia kane ka kam.
Ula pynpaw ia ka jingsngewnguh ia ka Tnad khlaw halor ka jingkyrshan, haba kdew ia ka jingpynphai ia ka Nan Polok sha ka Tnad Jngohkai bad ka jingai ia palat 300 acre ka jaka ban tei ia ki project kam jngohkai.
Haba iadei bad ka jinglong kongsan ka tamasa cherry blossom, u Bah Paul ula pynpaw ia ka jingpdiang ka pyrthei ia kane ka tamasa, haba kdew ia ka jingiatreilang hapdeng ka Sorkar Meghalaya bad ka Japan, bad kumjuh ruh ka jingwan jong u Ambassador ka Japan sha ka tamasa ha u snem bala lah.
Ula ban ju ruh ia ka jingmyntoi jong kane ka tamasa ia ki nongput nongtem trai shnong, kaba ai ia ki ia ka rynsan bad ka lad ban kamai.
Mynta u snem, ka cherry blossom kan long ha ka 14 bad 15 tarik Naiwieng.
