Shillong ,Nailur 04: U Myntri Rangbah ka jylla Conrad K Sangma ha ka sngi Balang, ula ong ba ka Sorkar Jylla kala thaw ia ki District Level Committee ban khmih ia ki kam ba iadei bad u Droks bad ban pyntreikam ia ka Meghalaya Residents Safety and Security Act (MRSSA), 2016.
“Ngin sa thaw ia ki committee ha ki District ka ban sdang na Shillong, Tura bad Jowai, ki ban peit ia ki kam kiba iadei bad u drok, ka jaka ai jingsumar bad kiwei kiwei ki bynta namar ba kane ka jingma kadei kaba ngi hap ban iatreilang da baroh ban iakhun pyrshah ia ka” ong u Conrad haba iakren bad ki nongthoh khubor.
Ula kren ia katei halor ka jingkynnoh ka Liang Pyrshah, ba ka National People’s Party (NPP) kaba don ha ka Liang Synshar kala pyndonkam da ka pisa be-ain na u drok, dewiong bad ki kam kontrak ban khroh ia ki MLA kiba na kiwei pat ki seng.
U Nongialam ka TMC bad u Myntri Rangbah barim ka jylla u Mukul Sangma ula byrngem ban phah da ka jingthoh sha u Myntri Rangbahduh ka ri ba yn tuklar bad ban shimkhia mardor halor katei ka kam.
Haba pynpaw ba ka jingkynnoh ka dei ka bym don nongrim, u Myntri Rangbah ula ong “Ka long kaei kaei ka bym itynnad ba kum kitei ki nongialam kin pynhiar dor ialade haduh kane ka kyrdan bad ban kynnoh pyrshah ia kiwei pat ki nongialam. Ka long kaei kaei kaba sngewsih” ong u Conrad.
“Ha ka jingshisha, ngi dang shu dep pynmih jingpynbna ïa ka Committee ka ban khlieh da ki ADC jong ki district bapher bapher kynthup ïa ka Shillong, ha kaba ngin don ia ki dkhot na ki shnong bapher bapher, kaban kynthup ruh ia ki Rangbah Shnong, ki Development Committee bad kiwei kiwei. Ka jingpynkup bor kan ym dei tang ha kaba iadei bad ki mat kiba iadei bad u droks hapoh ki shnong hynrei kin khmih bniah ruh ia ka jingpyntreikam ia ka MRSSA bad ban peit ruh ia ki bynta jong ka khuid ka suba ha ka shnong bad halor ka umbam umdih” ula ong.
“Uno uno u lah ban kynthoh hynrei ka long ka bym sngewtynnad pat ba ki nongialam kiba don ia ka jingkitkhlieh, kin kren ia kum kitei ki jingkren khlem kano kano ka jingpynshisha ne nongrim bad ka long kaei kaei kaba sngewsih” ong u Conrad
 kaba don ha ka Liang Synshar kala pyndonkam da ka pisa be-ain na u drok, dewiong bad ki kam kontrak ban khroh ia ki MLA kiba na kiwei pat ki seng.){kind=link}