Dawa ia u John Leslee ban panmap na ki Khristan
Shillong, Nailar 02 : U Nongialam ka NPP bad Myntri Sorkar Rakkam A Sangma ha ka sngi Thohdieng, ula thalain tyngeh ia u Nongialam ka Congress bad MLA barim ka South Tura John Leslee K Sangma namar ka jingpynrem ia u Myntri Rangbah ka Jylla Conrad K Sangma halor ka nongrim ba u shim pyrshah ia ka prokram plie jong ka Paris Olympics 2024 ba pynlong kam kai ia ka “Jingkhawai u Trai” (Last Supper).
Une u MLA barim ula kynnoh ba u Myntri Rangbah ka Jylla ula pynrem ia kane ka jingjia ha ka Paris Olympics tang ban pynbeij ia ki paidbah ka Jyllaha kaban kyntiew ia ka nam jong ka Party.
Ha ka kyrwoh, u Rakkam ula dawa ruh ia u John Leslee ban panmap na ki paid Khristan namar ka jingpyni ba u kyrshan ia kane ka jingleh hapoh ka Paris Olympics, kaba long pyrshah ia ka jingsngew jong ki paid Khristan.
“Nga khmih lynti ba u John Leslee un long u Nongialam bala rangbah ka Congress bad ba um dei ban pynthohbria ia ka jingngeit Khristan da kaba pynlong kam politics ia kane ka kam ba jia ha ka Olympics. Ka nongrim ba ieng u Conrad Sangma kam dei ban pynmong ia u John Leslee hynrei kala dei pynban ban ai mynsiem. U dei ia kaban shah pynrem da baroh ki paid Khristan bad u dei ban panmap namar ka jingpyni ba u kyrshan ia kaei kaba la leh ha ka Paris Olympics” ula ng.
Haba kyntu ia une u Nongialam ka Congress ban nym ialehkai politics ia ka kam, u Rakkam ula ong “Ka nongrim jong u Myntri Rangbah ka Jylla kala pynshisha ba u dei u Myntri Rangbah Khristan bad ka nongrim pyrshah ia ka jingniew bein ia ka jingngeit ki Khristan ha ka Paris Olympics 2024 ka dei ia kaban iarap da ngi baroh ha ka pyrthei”.
.){kind=link}