Shillong, Nohprah 04 : Ka Shillong Cricket Association (SCA) kala pyrshah jur ia ka General Election 2025 jong ka Meghalaya Cricket Association bad dawa ia u Electoral Officer ban pynbna ia kane ka rukom pyniaid kum ka bym treikam satia haba kdew ia kiba bun ki jingleh bakla bad jingpynkhein ia ki kyndon elekshon bala buh da ka BCCI bad ka riti treikam ka MCA.
Ha ka kyrwoh ba pynmih ha ka sngi Palei, ka SCA kala niew ia kane ka elekshon kum kaba don bun ki jingduna bad ka bym lah iada kat kum ka riti treikam, haba kdew ia ki jingleh kum ka jingpyrshang ban khang iashimbynta ia ki nongthep vote, ka jingailad ban ia ujor lem bad ka jingduna ka por ban iaid ialap.
Ka Association kala dawa ia u Electoral Officer ban khein ia kane ka elekshon kum ka bym treikam satia bad ban pynlong thymmai biang da kawei ka elekshon.
“Ka elekshon ba dang iaid jong ka MCA kam dei ka kam ba leh ia ka jingbakla barit hynrei ka jingpyrshang ban pynkylla khongpong ia ka result, kaba pyniap ia ka elekshon kaba laitluid bad kabym shah liang, bad kaba pynduh ia ka jingshaniah ha ka rukom pyniaid ia ka cricket ha Meghalaya” ong ka SCA.
Ka SCA kala kdew ruh ba ka MCA kala pyllait tan gia ka thup ki Member Association khlem da pynpaw pat ia ki kyrteng jong ki nongmihkhmat jong ki, kaba pynbor ia ki kyrtong ban thep kyrteng khlem da tip ia ka jingdon ki nongthep vote jong ki. Ia ka kyrteng jong ki nongmihkhmat la thep tang ha ka website ka MCA hadien ba kut ka jingthep kyrteng ki kyrtong.
Ka Deputy Commissioner kala shimkhia ia ka jingdon bun ki jingpynkhein ia ki kyndon ha ka jingpyniaid ia ka elekshon ka MCA bad kala hukum ban tohkit ia ka rukom pyniaid ia ka General Election 2025 ka MCA.
Ka SCA ka dawa ba u Electoral Officer u dei ban pynlong biang da kawei ia ka elekshon ha ryngkat ka jingphah kyrteng ia ki nongmihkhmat, ban pynmih ia ka thup ki nongthep vote bad ka kyrteng, ka por ban ujor kaba dei hok, ban pynbna shai ba ka jingthep vote bad jingpynbna ia ka result kan long ha Headquarter ka MCA ha Shillong.
 kala pyrshah jur ia ka General Election 2025 jong ka Meghalaya Cricket Association bad dawa ia u Electoral Officer ban pynbna ia kane ka rukom pyniaid kum ka bym treikam satia haba kdew ia kiba bun ki jingleh bakla bad jingpynkhein ia ki kyndon elekshon bala buh da ka BCCI bad ka riti treikam ka MCA.){kind=link}