Shillong, Naitung 13 : Ka Tnad Pulit kala register ia ka case hapoh ka POSCO Act pyrshah ia u Nos ka North Eastern Indira Gandhi Regional Institute of Health & Medical Sciences (NEIGRIHMS) halor ka jingkynnoh ba u leh kynshlein ia iwei I nongpang ba dang khynnah bad kular ban sa pyndep ia ka chargesheet hapoh ka 60 sngi.
U Superintendent of Police ka East Khasi Hills Bah Vivek Syiem, hadien ka jingiakynduh bad ki Nongialam ka KSU, ula ong ba ka Tnad Pulit kala bud ia ki lynti treikam kat kum ka ain.
“Ki Pulit kila pynngat ia ka case hapoh ka POCSO Act. Ngi dang bishar ia ka case. Ngi la dep phah ia ka notice. Ia ka jingbatai da ka jingthoh, yn sa pyndep lashai ka sngi ha Iingkashari, bad yn sa pynlong ruh ia kiwei pat ki sienjam jong ka jingtohkit” ong u Bah Vivek.
Ula bynrap “Kane ka case ka kynthup ia I khynnah bad ka donkam ban hap ai notice hapoh ka kyndon 33 jong ka BNSS” haba pyntip ba ia ka kaiphod yn sap hah sha ki borkhmih ka NEIGRIHMS ba kin leh eiei pyrshah ia une u nongshah kynnoh.
“Ka shong ha ki ba kin shim rai ia kaei kaba dei ban leh ia une u nongshah kynnoh. Watla katta, ka jingtohkit kan iaid kabym shah liang” ula ong.
U Bah Vivek ula iathuh “Ia kane ka case la shim kum ka Special Report Case, bad hapoh ka 60sngi ngin sa aiti ia ka chargesheet kaba shong kat kum ki sakhi ba ngi ioh lum”.
 halor ka jingkynnoh ba u leh kynshlein ia iwei I nongpang ba dang khynnah bad kular ban sa pyndep ia ka chargesheet hapoh ka 60 sngi.){kind=link}