Shillong, Nailar 27 : U Symbud Myntri Rangbah ba khmih ia ka tnad kam pohiing Bah Prestone Tynsong ha ka sngi Ba-ar, ula ong ba ka Sorkar kan sa iakynduh hapoh kane ka taiew ban shim rai halor ka jingkyrpad ka Harijan Panchayat Committee (HPC) ban pynjlan ia ka jingaipor halor ka jingtyrwa ban pynkynriah ia ki 342 tylli ki Longiing na Them Metor, Them Iew Mawlong.
“Ngin sa iashong hapoh kane ka taiew hapdeng jong ngi bad ngin sa shim ia ka rai ia kane ka kam” ong u Bah Prestone haba iakren bad ki nongthoh khubor.
Haba kylli halor ka rai jong ka Sorkar ba kan nym don shuh ka jingiakren hadien ka 15 sngi, u Symbud Myntri Rangbah ula ong “Hooid, khlem pep ngi la leh ia kata (dep shim rai) hynrei sa shisien ngi la ioh pdiang ia ka jingkyrpad naka HPC ba ki dang donkam ia ka por. Namar kata, nga ong ia phi ba ngan nym ong eiei ia mynta namar nga donkam ban khot ia ka jingialang jong ka Tnad bad ngin sa iashong bad shim rai”.
Ha ka sngi Nyngkong, ka HPC kala kyrpad ia ka Sorkar Meghalaya ba kan pynjlan ia ka jingbuh por ba kan (HPC) ai jubab ia ka blurprint ha kaban pynkynriah noh ia ki 342 tylli ki Longiing na Them Metor.
Kane kala jia haduh ba ka 15 sngi ka jingai por da ka Sorkar ia ka HPC ban ai ia ka rai ba khatduh ia kane ka jingtyrwa, kala kut noh hynnin ka sngi.
Dang shen, u Symbud Myntri Rangbah ba khmih ia ka Tnad Urban Affairs Bah Sniawbhalang Dhar ula ong ba lad aka HPC ka kyntait ia ka blueprint, ka Sorkar kan nym don lynti da kawei pat lait na ka jingpyniaid shakhmat ia ka mukotduma ha Iingkashari.
“Bad lada ngi leit pynbeit ia ka kam ha Iingkashari, kan nym mih shuh ka jingkylli ban pyntreikam ia ki jingkular jong ka Sorkar bala pruid dak ha ka blueprint” ong u Bah Sniawbha.
Ula ong ba kan shong ha ka HPC ban shimrai bad ban aiktien iala ka rai ba ka shim sha ka Sorkar Jylla khlem da pynslem shuh.
Lah ban kdew hangne ba ka Sorkar kala wanrah ia ka blueprint hadien ka jingkyntait ia ka jingtyrwa jong ka HPC ba 25 tarik Iaiong, 2022 ba pan haduh 200 square meter ka jaka sha man kawei pa kawei ka thliew iing ki 342 tylli ki longiing hapoh ka European ward nalor ban pynlut ruh ha kaban pynshna iing ia ki.
Ha ka 31 tarik Nailar, 2022, ka Sorkar Jylla kala pynbna ia ka rai ban pynshna ia ki flat ha ka jaka ba 2.5 acre ka jaka kaba dei jong ka SMB ban pynkynriah ia ki 342 tylli ki Longiing.
 hynrei sa shisien ngi la ioh pdiang ia ka jingkyrpad naka HPC ba ki dang donkam ia ka por. Namar kata, nga ong ia phi ba ngan nym ong eiei ia mynta namar nga donkam ban khot ia ka jingialang jong ka Tnad bad ngin sa iashong bad shim rai”.){kind=link}