spot_img

Thaw ki Seng Sain Pyrthei da ka INDIA ban iakhun ia ka BJP ha ka Elekshon Lok Sabha

Date:

Share post:

Shillong, Naitung 18 : Ki Seng Sain Pyrthei bapher bapher ka Ri kiba don ha ka Liang Pyrshah, kila thaw mynta da ka kynhun synrop INDIA ban mih iakhun pyrshah ia ka Bharatiya Janata Party (BJP) bad ia ki paralok kiba don ha ka National Democratic Alliance (NDA), ha ka elekshon MP-Lok Sabha 2024.

Ki Seng Sain Pyrthei bapher bapher ka Ri kila jer kyrteng ia kane ka kynhun Synrop da ka Indian National Democratic Inclusive Alliance (INDIA) bad ia kane la pynthikna ha ka sngi Ba-ar da ka RJD bad ka Shiv Sena.

Haba sam ia ka jingtip hapoh ka Twitter jong ka JDU, la iathuh b aka kyrteng ba thymmai jong ka kynhun Liang Pyrshah la jer kyrteng kum ka “INDIA”.

Haba pynthikna ia kane ka kyrteng, ka Priyanka Chaturvedi jong ka Shiv Sena kala ong “Ka jingiakhun ha u 2024 kan long hapdeng ka kynhun INDIA pyrshah ia ka Kynhun ka NDA..Chak De, INDIA”.

Shuwa kane, u MP ka TMC Derek O’Brien ruh ula thoh “Chak De! INDIA” hapdeng ka khubor ba ka Liang Pyrshah kala jer ia kane ka kynhun Synrop “INDIA” ha ka jingialang ba long ha Bangaluru.

Ha kane ka jingialang ba arsngi, ki khlieh Nongialam jong kumba 26 tylli ki Seng Sain Pyrthei kila iashimbynta ban pynskhem ia kane ka kynhun synrop ba thymmai, ka ban iakhun pyrshah ia ka BJP bala ialam da u Myntri Rangbah Duh Narendra Modi, ha ka elekshon Lok Sabha, 2024.

Pule ruh: Ujor ejahar u MP pyrshah ia u CM ka Assam ba kynthoh ipoh ia ki paid Muslim

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...