Nongpoh, Naitung 29: Ki Nongshongshnong ka Raid Marwet kila thaw mynta ia ka Raid Marwet Development & Social Welfare Committee (RMDSWC), ka ban shakri ha kaban pynneh pynsah ia ka riti ka dustur, u pud u sam ka Raid bad kiwei kiwei ki kam kiba iatakhuh bad ka Raid.
Kane ka Committee kala ioh ruh ia ka jingithuh ba kyrpang na ka Ophis jong u Syiem ka Raid Marwet.
Ia kane ka komiti kaba la thaw ha ka 7 tarik u Naitung, la suit la shor ia ka hynne ka sngi Saitjain da u Paiem ka Raid Marwet u Arun Ken Syiem hadien ba ki nongkitkam jong kane ka Komiti ki la leit ban pan jingkyrkhu na u kum u khlieh ka Raid. Ha kane ka sngi la pynskhem ia u Bah Munu Shakwa kum u President, u Bah Liam Pator, General Secretary, Bah Dominic Lyngdoh bad u Nicholas Manar kum ki Treasurer Secretary lem bad kiwei kiwei.
Haba kren bad ki Nongthoh Khubor, u Bah Manu Shakwa bad u Liam Pator, ki la pynpaw, ba ka thong ba la thaw ia kane ka Komiti hapoh ka Raid Marwet, ka long halor ka nongrim ba kum ka kynhun kan lah ban peit ban khmih ia ka bha ka miat, ka shongsuk shongshain, ban pynneh ia la ka riti dustur bad ruh ia ka roi ka par jong ki shnong kiba hap hapoh kane ka Raid.
Ki la pyntip ruh, ba nalor kitei ki mat ba kongsan, kum ka Komiti ka la shim ruh ban ieng iada ia la ka khyndew ka shyiap khamtam u pud u sam namar ba bun na ki shnong ki thaw hapoh kane ka Raid ki dei kiba don ha khappud ka Meghalaya bad Assam. Kila ong ba kum ka Komiti hi kan don ka jingiatreilang ryngkat ryngkat bad ka ophis u Syiem ka Raid Marwet.
U Syiem, Arun Ken Syiem kum u khlieh ka Raid Marwet, u la ai ia ka jingiaroh ia ka jingiohi jngai jong ki riew rangbah ka Raid kiba la shimkhia ban lum ban lang ia ki nongshong shnong hapoh kane ka Komiti kaba thymmai ban trei na ka bynta ka jingbha jong ka Raid.
Kum u khlieh ka Raid u la ai ia ka jingkitbok kitrwiang bad ruh ka jingkyrkhu ba ki jingangnud jong ka Komiti kan iaid beit iaid ryntieh.
Pule ruh: Kyrpad u CM ia ka MCA ban ithuh noh ia ka Shillong Aiport kum ka International Airport
, ka ban shakri ha kaban pynneh pynsah ia ka riti ka dustur, u pud u sam ka Raid bad kiwei kiwei ki kam kiba iatakhuh bad ka Raid.){kind=link}