Nongpoh, Naitung 29: Ban pynrem ia ka MeECL halor ka jingbym lah ban pynbiang ia ka jingsam bording kaba tikna ym tang hapoh ka thain Nongpoh hynrei ha baroh kawei ka Ri Bhoi District, ka Khasi Student Union (KSU), Nongpoh Circle ka la rai ban pynlong ia ka jingiaid paidbah ha ka 2 tarik u Nailar naduh ka por 12 baje shaneng ha Nongpoh.
Haba kren bad ki Nongthoh Khubor, u Samla Baiashanlang Kharshanlor, General Secretary, ka KSU Nongpoh Circle, u la iathuh, ba ka seng kam banse shuh ban pynlong ia kane ka jingiaid paidbah bad ban ia iaid pyrta shla pyrshah ia katei ka tnad sam bording ka jylla namar ka jingkuman bad ka jingbym khein kor ia u paidbah ka them Ri Bhoi District ha ka liang ka jingsam bording kaba tikna na ka por sha ka por.
U la iathuh ruh, ba ka mat bording ka la long kawei ka mat kaba la ia thnum bha da ki paidbah ka district bad ka long ruh kum u sohpdung ba iai neh namar ka jingeh u paidbah ban ioh ia ka bording kaba tikna ka la shu long tang ka jingphohsniew hapoh khlaw.
Ula ong bawatla na ka por sha ka por ki paidbah ha ryngkat ki sengbhalang bapher bapher ki la pyrta ia ka mat pynbiang bording hynrei kane ka la shu long tang ka jingpyrta khlem don pat ban patiaw.
Namar kata, ka KSU kala rai ban pynlong ia kane ka jingiaid paidbah ka ban sdang da ka jingialum paidbah na ka madan ialehkai NSCA, Pahamsyiem bad nangne yn iaid shaduh ka ophis jong ka MeECL.
Ka KSU ka wer ia ki paidbah baroh ban wan iasnohkti lang ha kane ka prokram khnang ba ka sorkar ha ryngkat ka tnad MeECL kan pei skhor.
Pule ruh: Thaw ki rangbah ka Raid Marwet da ka Committee ban peit ia u pud u sam, ka Riti Dustur
, Nongpoh Circle ka la rai ban pynlong ia ka jingiaid paidbah ha ka 2 tarik u Nailar naduh ka por 12 baje shaneng ha Nongpoh.){kind=link}