spot_img

Thaw ka Sorkar Pdeng ia ka Inquiry Commission ban tohkit ia ka thma pher Jaidbynriew ha Manipur

Date:

Share post:

Imphal, Jylliew 5: Ka Sorkar Pdeng ha ka sngi U Blei, kala thaw ia ka Commission of Inquiry ba lai ngut ki Dkhot, ka ban tohkit ia ki jingjia iaumsnam kiba khie na ka thma iapher Jaidbynriew ha Manipur, kaba la sdang naduh ka 3 tarik Jymmang.

Ia kane ka Commission la khlieh da u Chief Judge barim ka Guwahati High Court u Ajai Lamba.

Ka Sorkar Pdeng kala bthah ruh ia ka Commission ban aiti ia ka kaiphod kham kloi kat kaba lah bad ym slem ia ka hynriew bnai na ka sngi ba ka sdang tohkit ia ka kam.

Ka jingpynbna na ka Sorkar ka ong ba ka Sorkar ba ialam da u Myntri Rangbah Duh ka Ri Narendra Modi, kala pynbna ia ka Commission of Inquiry kat kum ka Commission of Inquiry Act, 1952, ban khlieh da u Justice Ajay Lamba, Chief Justice barim ka Guwahati High Cpirt bad u Himanshu Shekhar Das, IAS (Retd) bad u Aloka Prabhakar, IPS (Retd) kum ki dkhot, ki ban tohkit ia ki jingjia iaumsnam ha Manipur.

Kumjuh ruh ka Ministry of Home Affairs (MHA) kala ong baka Commission kan tohkit ruh halor ki daw bad ka jingsaphriang jong kane ka jingiausnam, kaba la jia ha Manipur bad ban khmih ruh la ka don ka jingbym biang ha ka rukom treikam jong ki bor Sorkar lane ki Ophisar shimet.

Ka Headquarter jong ka Commission kan dei ha Imphal, ka Nongbah jong ka Manipur.

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...