Shillong, Nailar 30 : Ka Myntri ka tnad rep Kong Ampareen Lyngdoh ha ka sngi Thohdieng, kala ong ba ia ka Meghalaya Farmers’s (Empowerment) Commission la thaw ha u 2019 da ka ain jong ka Meghalaya State Legislative Assembly lyngba ka Meghalaya Farmers’ (Empowerment) Commission Act, 2019.
La pynmih ia ka ha ka Gazette ka Meghalaya ha ka 16 tarik Risaw, 2019.
Haba jubab ha Iingdorbar Thaw Ain, ka kong Ampareen kala ong ba ka kamram jong ka Commission ka long ban shim ia ka bynta kum ka pyrnon hapdeng ki nongrep bad ka Sorkar ha kaban ithuh ia ki kam kiba kongsan ban iakren ha ka jingthaw ia ki Policy ki ban ai jingmyntoi ia ki nongrep ka Jylla.
Ka ai jingmut ia ki lad ki lynti ban pynlong ia ka kam rep kaba kham khring bad kaba ai khambun ka jingiohnong ia ki nongrep bad ki samla, kala ong.
