Shillong, Nailar 30 : U Symbud Myntri Rangbah ba khmih ia ka Tnad PWD (Roads) Bah Prestone Tynsong ha ka sngi Thohdieng, ula pyntip ba hadauh T.404.35 klur la mynjur ban pyntreikam ia ki 7 tylli ki project surok hapoh ka North East Special Infrastructure Development Scheme (Roads) (NESIDS) ha kine ki san snem bala lah naduh u 2019 haduh 2024.
Na kane, ka Sorkar pdeng kala dep pyllait ia ka song pisa ba T.276.88 klur, pyntip u Bah Prestone ha ka jubab bala wanrah ha Iingdorbar Thaw Ain.
U pyntip ba ka por bala buh ban pyntrei ia kine ki project ka long 24 bnai na ka sngi ba ai ia ki Work Order.
U pyntip ba ka Tnad PWD (Roads) ka dei kaba pyntreikam ia kine ki project.
