Shillong, Jymmang 22: Ka jylla Meghalaya ka don haduh 6549 tylli ki Biodiversity Management Committees (BMCs) kiba trei na bynta ban pynneh pynsah ia ki jingthung jingtep bad ia ki mrad ki mreng ha ka jylla.
Kane ka long katkum ka Kaiphod jong ka Meghalaya Biodiversity Board (MBC), kaba la pynbna hynne ka sngi ha ka jingrakhe ia ka ‘International Day for Biodiversity 2024’ ha U Soso Tham Auditorium Shillong.
Ka phang pdeng jong kane ka jingrakhe ka long ban don bynta ha ka jigpyntreikam ia ka ‘Kunming Montreal, Global Biodiversity Framework’ kaba dei ka thong na bynta ban pynneh ia kiei kiei kiba ka mei mariang ka la buh lypa.
Haba kren ha kane ka sngi, u Chief Secretary (CS) ka sorkar jylla Bah DP Wahlang ula ong ba ka Meghalaya State Biodiversity ka dei ka tnad treikam kaba rit hynrei ki kam ba ka trei ki long kiba khraw bad ka la shim ia kiba bun ki sienjam na bynta ban iada ia ka mariang.
“Ka MSB ryngkat bad ka BMC ki ia trei borbah na bynta ban ai ka jingiada ia ka mariang kynthup ki doh ki sim, ki lum ki wah, ki khlaw ki btap bad baroh ki jingthung ba im ba don ha ka mei mariang,” la ong u Bah Wahlang.
U bah Wahlang ula ong ba ka jylla Meghalaya ka hap hapoh ka ‘Indo-Burma Biodiversity spot’ bad ka don bun ki jingthung bad ki kynja ba im hyrnei da ka jingkiew ka jingbun paid ka buh jingma ia ka mariang.
Ula ong ba ia ka Board la thaw ha u snem 2002 na bynta ban pyntreikam ia ka Act jong u snem 2002.
Ia ka International Day for Biodiversity 2024 la rakhe ha kylleng ka jylla ryngkat ka jingiatreilang bad ka Dorbar Shnong, ki skul , da ka jinngthmu ban ai jinghikai halor ka jingdonkam ban iada ia ka mariang.
Ha kane ka jingrakhe u Chief Secretary ula aiti ia ka khusnam sha ka shnong Jermanai Villa na Umling Block Ri-bhoi district na bynta ba ki la shim ia ki lad ban pynneh pynsah ia ki jingdon jingem jong ka mariang bad la aiti ruh ia ka khusnam sha ka Paglapara BMC jong ka Zikzak Block South West Garo Hills .
, kaba la pynbna hynne ka sngi ha ka jingrakhe ia ka 'International Day for Biodiversity 2024' ha U Soso Tham Auditorium Shillong.){kind=link}