Shillong, Nailur 14 :U Myntri Rangbah ka Jylla Conrad Kongkal Sangma hynne ka sngi Balang u la thaw Histori da kaba kren Khasi bad Garo ha ka Dorbar synrai jong ka Iingdorbar Thaw Ain ka Jylla.
U Myntri Rangbah ula kren ia kine ki ktien tynrai haba jubab ia ka jingiatai halor ka jingpynrung ia ka ktien Khasi bad Garo hapoh ka khyrnit ba phra jong ka Riti Synshar ka Ri.
U Myntri Rangbah ula ong ba ia ka Ktien Khasi bad Garo la dei ban ailad noh ha kaban pyndonkam ha ki katto katne ki bynta jong ka jingiatai, ka ban long ka jingiarap ha kaban kyntiew ia ka ktien trai muluk hapoh ka Jylla.
Nalor kane, ula ong ba ka jingkren ia ka ktien lajong ha ki katto katne ki bynta jong ki jingiatai ha Iingdorbar Thaw Ain kan phah ruh ia ka khubor ba khlain ban ai jingithuh noh ia kine ki ktien bala kren da ki nongshongshong ka Jylla.
Lah ban kdew hangne ba ka Iingdorbar Thaw Ain kala dep ithuh ia ka ktien Khasi bad Garo kum ki Associate Language ka Jylla.
