Shillong, Lber 19 : Ka Iingkashari Meghalaya High Court kala buh jingkylli ia ka jingkam jong ka National Highway Authority of India (NHAI) ba ka jingtrei pynkhlain ia ka surok Jowai-Rayacherra kala dep, hadien ba ka kaiphod u Amicus kala pyni ia ka jingdon ki thliew ki syar ha surok Byndihati, Tongseng bad Ratacherra nalor ki nala kiba set jaboh ba lam sha ka jinglang um.
“Ka paw ba ka jingpynpaw jong u Chauhan…ka dei kaba bakla”, ong ka Division Bench ba kynthup ia ka Chief Justice Revati Mohite Dere bad Justice W Diengsoh ha ka hukum ba pynmih ha ka sngi Palei.
Haba kdew ia ka kaiphod u Amicus halor ka jingleit jurip ia barohki bynta jong ka surok hadien ka hukum ba 11 tarik Lber, ka ong “Ia kane ka record….lah pynrung lang ha ki jingthoh. Ha kane ka kaiphod la suh lang ia ki dur jong ki thliew. Ka paw ba ha ki bynta jong ka surok ha Byndihati, Tongseng hashwa ban poi ka jingkieng, ki don ki thliew kiba heh hapdeng jong ka surok, kumjuh ruh ha Ratacherra marjan ka petrol pumo. Ki don bun ki thliew kiba heh ha Tongseng kala dawa ban leh eiei mardor. La kdew ruh ha ka kaiphoh ba ki jingker kynroh, ki nala bala shna ha kiba bun ki bynta, ki slab ki dei kiba set jaboh ne ki bym shna bha kaba lam sha ka jinglang ka um ha ki katto katne ki bynta”.
Ka Iingkashari ka pynpaw ruh ba ka PIL kala shu sahteng naduh u snem 2022 bad “jan saw snem ka por kala iaid hynrei watla katta ym shym la lah ban trei dep ia ka surok”.
Ka Iingkashari kala bthah ia u Project Director Anand Singh Chauhan ba un wanmih sha Iingkashari ha ka 20 tarik Lber bad la ai ia ka por ia u Amicus ba un wanrah ia ka jingthoh (statement) ka bym dei ha Iingkashari.
 ba ka jingtrei pynkhlain ia ka surok Jowai-Rayacherra kala dep, hadien ba ka kaiphod u Amicus kala pyni ia ka jingdon ki thliew ki syar ha surok Byndihati, Tongseng bad Ratacherra nalor ki nala kiba set jaboh ba lam sha ka jinglang um.){kind=link}