Shillong, Risaw 19 : Ka seng kiengatiar Hynniewtrep National Liberation Council (HNLC) kala pynrem jur ia u Symbud Myntri Rangbah ba khmih ia ka tnad kam Pohiing (Police) Bah Prestone Tynsong, haba kynnoh ba ka Sorkar ka shim ia ka lynti ban khie thma lyngba ka jingthombor haba kren ia ka jingsuk.
Kane ka jingkynthoh ka HNLC kala mih hadien ka jingkem ia ki hynriew ngut ki samla haba iadei bad ka jingbuh ia u bomb Improvised Explosive Device (IED) h Iew Umsning, Ri-Bhoi District ha ka 12 tarik Risaw.
Kat kum ka jingong ka HNLC, kum kane ka jingkrem ka dei ka jingpynibor jong ki bor Sorkar da ki jing kynnoh ba shu thaw hi ba kine ki samla ki donkti bad ka seng.
Ha ka kyrwoh ba pynmih ha ka sngi Nyngkong, u General Secretary ka HNLC Bah Sainkupar Nongtraw ula ong “Ki jingkren jong u Symbud Myntri Rangbah ba khmih ia ki kam pohiing Bah Prestone Tynsong, kam dei kaei kaei ruh hynrei kaweipat ka jingpyni jong ka Sorkar ia ka jingleh arsap. Ka long kaba sngewthamula ba kito kiba kren ia ka jingsuk ki dei ma ki hi kila kwah pynkha ia ka thma lyngba ki jingthombor, da ki jingkynnoh ba khlem nongrim ia ki samla khamtam na Ri-Bhoi ba ki don jingiadei bad ka HNLC”.
“Ngi pynpaw shai ba ki samla bala kem da ki Pulit ha Ri-Bhoi District ki dei ki bym don jingiadie bad ka HNLC. Kine kiba shah kem ki dei tang kiba shah thombor da ki bor Sorkar kiba pyrshang ban shu pyntieng pynsmiej, ban pynthame bad pynksan ia ka jingbym lah jong ka Sorkar ban pynbeit ia ki kam kiba dei hok jong ka khyndew ka shyiap jong ngi” ula bynrap.
Ka HNLC kala kam ba kaei kaba kham sngew jah burom ka dei ka jingkem biang ia ki samla kiba dang shu lait na phatok, kaba pyni ia ka jingduna ka mon sain pyrthei bad ka jingleh hok. Kane ka seng kala kynnoh ia ka Sorkar ba kala pyndonkam ia ki Pulit kum ki atiar sain pyrthei ba kin pyntroin ia ka mynsiem jong ki paid Hynniewtrep.
Ka HNLC kala kop ia ka Sorkar Jylla ban pynbeit noh shuwa ia ka kam iakajia pud bad ki Jylla ba marjan lem bad ka Bangladesh, kaba la wanrah ia ki jingjynjar, ka jingkylla phetwir bad ka jingiapait iapra hapdeng ki paid nongshongshnong.
“Tad hadien ba pyndep ia kine ki kam ba kongsan, kano kano ka jingiakren iasuk kan ym don eiei” ong u Bah Sankular.
 kala pynrem jur ia u Symbud Myntri Rangbah ba khmih ia ka tnad kam Pohiing (Police) Bah Prestone Tynsong, haba kynnoh ba ka Sorkar ka shim ia ka lynti ban khie thma lyngba ka jingthombor haba kren ia ka jingsuk.){kind=link}