Nongstoiñ, Lber 6: Kum ka dak jong ka jingsngewsih bad ka jingpynrem jur ïa ki runar kiba la shim jubor ïa ka jingim jong u (L) Macborn Bonnyson Kharbani, uwei na ki nongñiah Tourist Taxi na Nongstoiñ, ka Synjuk ki nongñiah tourist taxi ha ryngkat ka jingïatreilang bad ka Joint Action Committee of Taxi Owner & Driver Association, mynta ka sngi ka la sdang ban pyndeng da ki lama ïong ïa baroh ki kali kamai na Nongstoiñ sha Shillong.
Ha kajuh ka por na ka liang ki nongñiah bad ki trai jong ki kali Tourist Taxi ki la kyntu ïa ka tnad pulit ba ka dei ban kem lut ïa baroh kiba donkti ha katei ka kam pynïap briew ba shyrkhei.
Kane ka jingteh lama ïong ha ki kali kit passenger kan ïai bteng biang lashai ka sngi 7 tarik Lber 2024.
