Shillong, Lber 07: Ki paidbah nongshong hynne ka sngi kila lap kawei ka khlieh briew shynrang kaba per ha wah Umiam Ri-bhoi district.
Ia kane ka khlieh briew la lap nyngkong da ki khynnah kiba thmu ban wan sum ha kane ka wah bad mar mar kila pyntip iaki nongshong shnong bad naka liang ki nong shong shnong ruh kila pyntip sha ki bor Pulit ban leh iaka ba donkam.
Mar sien poi sha kane ka jaka, ki Pulit kila pynlong ka jingtohkit bad kila ia wad ruh ia ka met jong une u rangbah bala suba shah khrai khlieh.
Naka liang ki Pulit kila rah noh ia kane ka khlieh briew sha Nongpoh Civil Hospital naka bynta ban leh iaka ba donkam bad kila shim ruh daka Suo Moto Case ban sdang ka jingtohkit.
